„Тоа што година и пол не сме спиеле, не значи дека овие 4 години не ми се најубавите“: Горан Папаз на годишнината од бракот

И по 4 години брак, на Горан и Наташа Папаз љубовта им е најсилниот двигател и покрај сите предизвици кои им ги донесе родителството по добивањето на нивната тројка.

Македонскиот саксофонист и неговата сакана со слатки пораки ја одбележаа 4-годишнината од денот кога се заколнаа на вечна љубов. 

Тоа што година и пол не сме спиеле, не значи дека овие четири години не се најубавите од мојот живот :)

Те сакам бескрајно! Ти си мојата инспирација, мојата принцеза, мојата симпатија ❤️ - напиша Горан.

Наташа пак истакна дека секој заеднички предизвик во изминатите години само ја потврдил нивната љубов.

Еден мал дел од нашиот (многу) исполнет живот 😇 Среќна 4-ка од брак, ти си мојата љубов и најголемото ДА потврдено во секој животен предизвик ❤️🥰😇 – напиша таа.

Папаз во интервју за Фемина сподели дека тројката, родена предвреме и со силна борбеност од првиот ден, го променила секој аспект од неговото секојдневие, но пред сè, го зацврстила неговиот брак и му дала уште тројно љубов и трпение.

„Тројката нè возвиши и нè направи најгорди и најсреќни на цел свет. Бракот и пред да ни се родат Лена, Луна и Лазар ни беше жива хармонија, сега таа хармонија е само збогатена со нови три музичари“ – изјави Горан.

Поранешниот член на групата Суперхикс и неговата сакана стапија во брак во јули 2022 година. Малите Лена, Луна и Лазар се родија во декември 2024 година. Горан има уште еден син од првиот брак, кое се вика Дамјан.