Тинејџерка од Србија трагично загина во Будва откако се одврза од сајлата за време на парасејлинг

Трагичен настан во Будва го потресе регионот.

19-годишна тинејџерка почина откако се одврзала од сајлата за време на парасејлинг и паднала од 50 метри во Јадранското море.

Тијана Р. од Нови Сад требало да лета 15 минути со падобран прикачен со сајла за чамец, но на висина од 50 метри таа паднала во водата. Веднаш била пренесена на градското пристаниште, каде екипа на Итната медицинска помош констатирала смрт.

Истрагата е во тек и сè уште се утврдува дали станува збор за несреќа или за самоубиство, но на интернет се појавила и снимка на која се гледа како девојката сама го одврзува појасот поради непознати причини.

Соседите ја опишуваат Тијана како насмеана и пријатна девојка.

Претходно, сега починатата девојка споделувала фотографии на Instagram на кои се гледа како ужива во Будва.