Угледното американско списание „Time“ ја објави листата 100 највлијателни луѓе на светот. Листата е поделена во пет категории: титани, пионери, артисти, лидери и икони.
Насловната страница на специјалното издание на списанието ѝ припадна на Бијонсе.
Свои индивидуални внатрешни корици имаат и актерот Роберт Редфорд, кошаркарот Џејсон Колинс и генералниот директор на General Motors, Мери Бара.
На долгата листа беше резервирано место за политичари како Барак Обама, Владимир Путин, Ангела Меркел и Хилари Клинтон, потоа папата Францис, активистката Малала Јусафзаи, тенисерката Серена Вилијамс, фудбалерот Кристијано Роналдо и основачката на Net-a-porter.com, Натали Маснет.
Од светот на шоу-бизнисот, меѓу највлијателните влегоа Ејми Адамс, Мајли Сајрус, Метју Меконахи, Кери Андервуд, Фарел Вилијамс, Алфонсо Куарон и Кери Вашингтон.
Целосната листа погледнете ја тука.