„Тие можеби имаат пушки, но ние имаме цвеќиња“: Разговор на татко и синче за нападите во Париз
Разговорот на Ангел Ли и неговото синче Брендон по трагедијата во Париз стана вирален хит. За време на телевизиско интервју, новинар го праша малото момче дали разбира зошто терористите ги организирале ужасните напади.
„Да, затоа што тие се навистина, навистина злобни“ – му одговара детенцето и додава дека сега луѓето ќе треба да се иселат од своите домови.
Откако ќе чуе за неговата загриженост, таткото му вели: „О, не грижи се... Не треба да се преселиме. Франција е наш дом.“
„Тие имаат пушки, тие можат да пукаат во нас затоа што се навистина, навистина злобни, тато“ – враќа детенцето.
Во тој момент таткото го има најдобриот одговор: „Во ред е, тие можеби имаат пушки, но ние имаме цвеќиња... Види, сите положуваат цвеќиња. Тоа е за да се борат против пушките.“
„И свеќите?“ – прашува Брендон. „Тие се за да се сеќаваме на луѓето кои загинаа вчера“ – му вели таткото.
„Цвеќињата и свеќите се тука за да нè заштитат“ – заклучува задоволно Брендон пред крајот на видеото.
„Сега се чувствуваш ли подобро?“ – го прашува репортерот. „Да, се чувствувам подобро“ – вели момчето.
French father and son have the most precious conversation in interview about Paris attacks. I feel better too now, thanks!A father and son have the most precious conversation during an interview by french media at the scene of the Bataclan attacks. I saw that it hadn't been subtitled in english yet, so I made a quick edit to show the rest of the world how freakin awesome some of our citizens are. They're my heros. I feel better too now! (Courtesy of Le Petit Journal) #paris #bataclan #parisattacksOriginal Segment: http://bit.ly/1Lix9L2Original Video (french): https://www.facebook.com/PetitJournalYannBarthes/videos/1013093998733798/
Posted by Jerome Isaac Rousseau on понеделник, 16 ноември 2015
Ангел Ли доби бројни комплименти на социјалните мрежи, а неговата реченица „Тие можеби имаат пушки, но ние имаме цвеќиња“ стана инспирација.
