„Ти си мојот живот“: Разнежената Антониа Гиговска со фотографии и порака за роденденот на синчето

Антониа Гиговска ги стопли срцата на своите следбеници со емотивна и интимна објава по повод вториот роденден на нејзиниот син.

Македонската пејачка сподели фотографии кои се хроника на една мајчинска љубов и го прикажуваат малиот Киан од бебенце до мало фраерче.

„Љубов моја. Поминаа 2 најубави годинки со тебе, сакам да знаеш дека си мојата најголема среќа и дека ќе те чувам додека сум жива. Ти си мојот живот! Засекогаш“ – стои во пораката на Гиговска.

24-годишната ѕвезда и нејзиниот сопруг Роберт Спасенцовски го прославија роденденот на Киан со тематска забава со багери.