„Ти си мојот херој“: Кристина Еплгејт покажа како изгледа по неколкумесечниот престој во болница поради мултипла склероза
Кристина Еплгејт се огласи за првпат по неколкумесечниот престој во болница, поради влошување на нејзината здравствена состојба.
Славната американска актерка, која се бори со мултипла склероза, сподели видео на Instagram, на кое ја покажува својата нова фризура.
„Свежа боја на косата, нова чудна дамка на образот, хаха... ве сакам сите“ - напиша таа и му се заблагодари на својот фризер.
На видеото, холивудската ѕвезда доби илјадници коментари за поддршка.
„Кралица“, „Изгледаш прекрасно како и секогаш“, „Тукушто ми беше дијагностицирана релапсирачка мултиплекс склероза. Ти си мојот херој! Ќе успееме заедно“ и „Ти си навистина силна“ – се само дел од коментарите кои Кристина ги доби на објавата.
Во март, 54-годишната ѕвезда од серијата „Dead to Me“ замина на неколкумесечно лекување во болница поради влошување на здравствената состојба. Во септември, на социјалните мрежи откри дека конечно е дома.
Актерката објави дека страда од МС во август 2021 година додека ја снимаше третата сезона од серијата „Dead To Me“. По дијагнозата, Еплгејт отворено зборува за секојдневните предизвици, болката и заморот со кои се соочува поради болеста.
Во нејзината автобиографска книга, која стана бестселер на New York Times, таа ги опишува тинејџерските денови во Холивуд, траумите од минатото, како и соочувањето со тешката дијагноза.
Холивудската актерка во 2008 година се бореше и со рак на дојка. По извршена двојна мастектомија, беше објавено дека болеста е во ремисија.
