„Ти си ангел на добрината“: Тони Цетински со емотивна порака за Тоше Проески 13 години по неговата смрт
Тони Цетински имаше многу близок пријателски однос со Тоше Проески, па се растажува кога и да се наближи датумот на неговата смрт.
51-годишниот хрватски пејач напиша емотивна порака за непреболената македонска ѕвезда и трогна многумина.
13 долги години.
На утрешен ден, некаде во ова време, ти нè напушти физички, но само физички, брате мој. Не можам да поверувам колку многу ни недостигаш и ден-денес и колку ни е тешко што си замина прерано. Животот навистина не е фер...
Ме прашуваш каде сум и што правам?
На пат сум и дождот е одвратен, но твојата насмевка е надеж која ни е потребна на сите во ова денешно чудно и злобно време. Ќе биде добро сè дури те имаме тебе, кој нè чуваш со твоето присуство, песни и сите добрини кои ги остави на оваа планета. Ти си ангел на добрината.
Знам дека нè чуваш и треба да знаеш дека секогаш си во нашите молитви.
Те сака братот!
“13 dugih godina” Sutra negdje u ovo vrijeme napustio si nas fizički ali samo fizički brate moj. Ne mogu vjerovati...
Posted by Tony Cetinski on Wednesday, October 14, 2020