„Ти благодарам за сè што направи“: Игор Џамбазов трогнат по смртта на легендарниот Владо Јаневски
По одекнувањето на веста за смртта на Владо Јаневски, неговите колеги, пријатели и обожаватели со неверување се збогуваат од романтичарот чии рефрени беа подлога на безброј љубовни приказни.
Неговиот пријател и соработник, Игор Џамбазов, преку емотивна и кратка порака на социјалните мрежи, ја сподели тагата и болката по загубата на нашиот талентиран музичар.
Збогум Владо...
Понекогаш зборовите не се доволни.
А понекогаш се излишни.
Слава ти!
И ти благодарам за сè што направи...
Јаневски почина по кратко боледување во болница во Скопје. Причината за смртта сè уште не е јавно откриена.
