„Тешко, тешко без тебе“: Ана Костадиновска емотивна на годишнината од смртта на Сара Пројковска и колегите од ДНК

Денес се одбележува една година од трагедијата во дискотеката „Пулс“ во Кочани која им го одзеде животот на 63 млади лица.

Ана Костадиновска е неутешна поради смртта на нејзините колеги од ДНК, особено на Сара Пројковска која таа ја сакаше како своја сестра.

Пејачката сподели видео со заеднички фотографии со Сара, признавајќи дека сè уште ѝ е многу тешко без неа.

„Тешко, тешко без тебе♾️💔 💔една година💔“ – напиша таа.

Пред околу две недели, Ана првпат јавно проговори за кобната ноќ во дискотеката од каде едвај успеа да се спаси.

Со потресни зборови, пејачката раскажа за хаосот, стампедото, разделбата со својата колешка Сара и траумата која и ден-денес ја лекува.

Почна пукање, вриштење, паѓаа ситни пластики кои нè удираа по грбот. Настана стампедо. Сите тргнаа наеднаш кон излезот. Заклучивме дека не можеме да излеземе – рекла Ана, која во метежот се разделила со Сара. 

Се разделивме кога го поминавме шанкот и веќе не се видовме – рече во изјавата пред судот.

Вечерта кога се случи пожарот, двете музичарки заедно настапуваа како придружни вокали на групата ДНК. Ана успеа да се спаси, но не и Сара.