Ниту пандемијата, ниту разорната експлозија во Бејрут која го разруши неговото ателје, не го спречија Ели Сааб да ја создаде својата најекстравагантна колекција.
Либанскиот дизајнер не успеа да се вклучи во рамките на Париската недела на високата мода, но затоа ја презентира новата колекција на артистичен начин.
Наречена „Театар на соништата“, колекцијата висока мода пролет/лето 2021 интегрира раскош, интензивен гламур и драматична елеганција.
„Со сè што се случува околу нас, ние навистина имаме потреба да сонуваме. Вообичаено, 90% од моите дизајни се носливи. Овој пат, отидов малку подалеку со пресилените волумени и пердуви, затоа што сметам дека кога сонуваме, сакаме да видиме нешта кои се малку понедостапни“ – појаснува Сааб.
