„Те сакам, мој ангелу“: Ќерката на прерано починатиот Пол Вокер со фотографија ја одбележа 9-годишнината од неговата смрт
Вчера изминаа точно девет години од смртта на актерот Пол Вокер.
За да ја одбележи годишнината од немилиот настан кој го одзеде животот на нејзиниот татко, Медоу Вокер сподели стара фотографија. На неа, Пол ја учи куглање.
„9 години без тебе. Те сакам многу, ангелу мој“ – напиша таа за ѕвездата од филмовите „Fast & Furious“.
И Вин Дизел не пропушти да го одбележи денот кога изгуби не само колега, туку и еден од најдобрите пријатели.
„Девет години... Те сакам и ми недостигаш“ – напиша актерот од „Fast & Furious“.
Пол почина на 30 ноември 2013 година во сообраќајна несреќа. Имаше само 40 години и не успеа да го заврши филмот „Furious 7“, кој го доснимија неговите браќа Коди и Кејлеб.
