Таткото на Никола Пелц се огласи за првпат по скандалите со зетот и Бекамови: „Бруклин е супер“
Таткото на Никола Пелц, Нелсон, за првпат зборуваше за Бекамови и за неговиот зет Бруклин по скандалите кои се случуваа во изминатите месеци.
83-годишниот милијардер беше на настан за инвестирање во Вест Палм Бич кога беше запрашан за конфликтите меѓу неговото семејство и Дејвид и Викторија Бекам.
Иако не навлезе во детали, Нелсон јасно стави до знаење дека застанува зад својата ќерка и зетот.
„Мојата ќерка и Бекамови се сосема друга приказна и тоа не е тема за денешното обраќање. Мојата ќерка е супер, мојот зет Бруклин е супер и мислам дека ќе имаат долг и среќен брак“ – изјави Пелц.
Кога беше запрашан дали им дава совети на младите партнери како да се справат со тешка ситуација, тој одговори: „Да, им давам. А понекогаш и тие мене ми даваат совети.“
Минатиот месец, Бруклин на својот Instagram профил напиша дека не сака да се помири со мајка си Викторија и татко си Бекам, обвинувајќи ги дека се обиделе да им наштетат на неговите односи со Никола уште пред нивната свадба.
Претходно, беше објавено дека тој преку писмо побарал од родителите да комуницираат со него само преку неговите адвокати.
