Татко на четири ќерки на забавен начин прикажува како е да се живее под ист покрив со 5 жени

Татко на искрен начин прикажува како изгледа неговиот живот со сопругата и четирите ќерки, од кои две се близначки.

Сајмон Хупер често објавува фотографии од своето секојдневие на Instagram профилот father_of_daughters и речиси еден милион лица ги следат објавите на забавниот Британец.

Тантруми, караници, влакна од коса, влошки и пелени, недостиг на приватност под тушот, лакирани нокти, носење женски здолништа, чајанки... Хупер на интересен начин ги прикажува „маките“ на татковците на ќерки.

„Секако, на почетокот сакав да имам син за да го продолжи презимето и за да имам со кого да играм рагби, но сега девојчињата се сѐ што можев да посакам, дури и повеќе од тоа. Гласно е и емоциите се секогаш на највисоко ниво, а мојата улога е да го задржам мирот, да бидам смирен, грижлив и да ги поддржувам сите. Луѓето сѐ уште ме прашуваат дали ќе се обидам да имам и син, но мојот одговор е дека веќе имам сѐ што ми треба“ – изјави Сајмон по раѓањето на близначките.