Христијан Тасковски и неговата сопруга Наташа имаат прекрасен повод за славење. Нивната ќеркичка Кирјана наполни една година.
Македонскиот рапер, познат како Таско, сподели емотивна порака на социјалните мрежи заедно со слатко видео од првата година од животот на ќеркичката и од нивни заеднички моменти.
Не знам кај ќе нè носи патот низ животов. Но, знам дека кога надвор ќе врне, ќе бидам твојот чадор.
Кога ќе е ладно, ќе бидам тука да те стоплам.
Кога светот ќе се руши, ќе направам нов.
Кога животот ќе те бутка, ќе бидам позади тебе.
Неможам да бидам тука засекогаш, но ветувам дека сè дур дишам, ќе ја имаш мојата заштита, поддршка и љубов.
Среќен роденден крофно моја, и фала ти што ме направи подобар човек.
Таско и Наташа стапија во брак во 2022 година. Тие имаат и 2-годишно синче, кое се вика Лукијан.
