Свилена кошула, кадифено сако... Бред Пит шармер во невообичаени стајлинизи покрај девојката Инес

Бред Пит викендов уживаше со девојката Инес де Рамон.

61-годишниот актер беше двапати фотографиран со својата сакана и привлече големо внимание со стајлинзите. За двојниот љубовен состанок со Џиџи Хадид и Бредли Купер, холивудскиот шармер носеше свилена кошула во лаванда нијанса и кадифени панталони.

Подоцна, Бред се упати на вечерен состанок во ресторан со Инес и избра изглед од американскиот дизајнер Вили Чаварија. Славниот глумец искомбинира сино кадифено сако со фармерки и повторно поттикнаа лавина коментари на социјалните мрежи.

„О Боже, овој аутфит е полош од претходниот. Што се случува Бред, да не изгуби облог или што?“, „Бред изгледа како да изгубил облог“, „Средовечна криза во пикот“, „Зошто се облекува како макро?“, „Стилот му е уште полош со оваа девојка“ – се само дел од коментарите.

Бред и Инес се во врска од 2022 година. Ова е првата посериозна врска на Пит кој се раздели од Анџелина Џоли во 2016 година, кога таа побара старателство над шесте деца – Медокс, Пакс, Захара, Шајло, Вивиен и Нокс.

Пред неколку дена Daily Mail објави дека Бред ги смета односите со синот Пакс за непоправливи, а неговата ќерка Шајло се откажа од неговото презиме.