Светската тенисерка Јелена Докиќ и Македонецот Јане Веселинов заљубени и среќни низ Скопје и Охрид
Јелена Докиќ ужива во љубовта со Јане Веселинов.
Светски познатата тенисерка, која е родена во Хрватска и живее во Австралија, моментално е во посета на Македонија, родната земја на нејзиниот сакан партнер.
Среќната двојка уживаше на повеќе локации низ Скопје и Охрид, а Јелена не пропушти да сподели фотографии.
Матка, Старата скопска чаршија, Св. Наум, Галичица... Докиќ не крие дека е одушевена од убавините на нашата земја.
„Охридското Езеро на дланка. Апсолутно фасцинантно“ и „Скопје, ти си едноставно прекрасно“ – стои во описот на нејзините постови на Instagram.
Јелена во повеќе наврати има зборувано за врската со Јане и јавно кажува колку е среќна што го пронајде.
„Ти си моето мирно, безбедно, мирно и среќно место. Многу ми е мило што те пронајдов“ и „Обожавам да го живеам животот со тебе и што имаме нови искуства заедно. Ти благодарам што ме правиш среќна, љубов моја“ – пишува Докиќ во описот на заеднички фотографии со Јане објавени на нејзиниот профил.
Докиќ претрпела сериозно физичко, вербално и емоционално малтретирање од нејзиниот татко и тренер, Дамир Докиќ, во текот на нејзиното детство и тениската кариера. Таа ги детализира овие искуства во својата автобиографија од 2017 година, „Unbreakable“ и последователните интервјуа.