Светлана Црнокрак шармираше со холивудски гламур на свечената академија по повод 50 години од основањето на Општина Карпош. Во долг црн фустан со откриени рамена, 50-годишната манекенка изгледаше беспрекорно.
Креацијата со волуменозни ракави и скулптурални набори е дело на модната куќа Елена Лука. Македонската убавица ја надополни со раскошен чокер од црни мониста и нежни висечки обетки.
Свеченоста се одржа во хотелот „Александар Палас“, каде што Општина Карпош одбележа половина век од своето основање.
Јубилејот беше повод да им се оддаде признание на генерациите кои го граделе Карпош и на жителите кои му го даваат неговиот препознатлив дух.