Свадбените фотографии на внуката на Џо Бајден која се омажи во венчаница од Ралф Лорен во Белата куќа
Изминатиов викенд се одржа специјална прослава во Белата куќа во Вашингтон – свадбата на Наоми Бајден, внуката на претседателот на САД, Џо Бајден.
28-годишната адвокатка и нејзиниот избраник Питер Нил си го кажаа судбоносното „Да“ пред 250 гости, меѓу кои и Претседателот и Првата дама на САД.
Убавата невеста носеше венчаница од Ралф Лорен, а до олтарот беше испратена од своите родители Хантер и Кејтлин. И зетот избра костум од американската модна куќа.
Од 1800 година досега во Белата куќа се имаат одржано само 19 свадби и 4 рецепции.
„Во ова место има многу убавина и историја, па ние навистина сакавме да го испочитуваме тоа“ – рекла Наоми.
Кратко пред свадбата, невестата позираше за „Вог“ со Првата дама, Џил Бајден.
Наоми подоцна се пресоблече во креација од Рим Акра.
Џил сподели и фотографии на социјалните мрежи за да им го честита бракот на младенците. И таа избра креации од Рим Акра.