Свадбените фотографии на девојката која патува низ светот и фотографот кој ја следи насекаде

Креаторите на фото-проектот „Follow Me To“ стапија во брак за време на бајковита церемонија. Наталија Захарова и Осман Мурад, кои стекнаа светска слава со своите фасцинантни Instagram фотографии, си го кажаа судбоносното „ДА“ во Москва.

Темата на свадбата беше „Алиса во земјата на чудата“, па на фотографиите се забележуваат реквизити кои помагаат за посигнување на магична атмосфера.

Невестата носела три свадбени креации. Волуменозната венчаница доаѓа од ателјето на Вера Ванг.

Се разбира, младоженецот не пропушти да ја фотографира својата сакана во препознатливата поза, за која Натали му подава рака додека му е свртена со грб.

Осман и Натали го започнаа популарниот проект „Follow Me To“ во 2011 година и имаат над 2 милиони следбеници на Instagram. Нивните фотографии обединуваат незаборавни туристички локации, атрактивни аутфити, препознатлива поза и копнеж за авантури.

Пред нешто помалку од една година Осман ја запроси Натали и го одбележа среќниот момент со фотографија.