Почина Татјана Патиц. Оригиналниот супермодел од 90-тите години ја изгуби борбата со рак на дојка на 56-годишна возраст.
Убавата Германка заедно со Наоми Кембел, Синди Крафорд, Линда Еванџелиста и Кристи Тарлингтон владееше на модните писти и во списанијата во 90-тите години од минатиот век.
Нивната заедничка фотографија за „Вог“ сè уште е значаен момент во светот на модата.
Патиц беше дел и од спотот за популарната песна „Freedom“ на Џорџ Мајкл.
Татјана е родена во Хамбург, а потоа се пресели во Шведска. Нејзината кариера во модниот свет започна во 1983 година, кога по учество на натпревар за убавина, доби понуда да работи како модел во Париз.
Последната ревија на која дефилираше Патиц, беше ревијата на Etro во 2019 година.
Изминативе години таа водеше мирен и повлечен живот, посветувајќи се на семејството и нејзиниот син Џона.
Последното појавување на моден настан на Татјана, беше на лансирање на парфем на Диор во септември минатата година. Таа беше придружувана од синот.
