Кој би им одолеал на чоколадни колачиња со интригантна површина? Идеално меки и сочни во средината, со минимално крцкава кора и со вкус кој нема да ви дозволи да запрете на само едно колаче.
„Распуканите“ колачиња се асоцираат со зимата и снегот, а совршено се комбинираат со топло кафе или чај.
Состојки
| 120 гр | какао Витаминка |
| 450 гр | шеќер |
| 120 мл | масло Брилијант |
| 4 | јајца |
| 2 лажички | екстракт од ванила |
| 290 гр | брашно |
| 2 лажички | прашок за печиво |
| ½ лажичка | сол |
| 50 гр | шеќер во прав Витаминка |
Подготовка
Загрејте ја рерната на 180°С.
Во длабок сад измешајте го пресеаното какао, шеќерот, маслото, јајцата и екстрактот од ванила. Со маталка мешајте додека да добиете хомогена смеса.
Во друг сад ставете ги брашното, прашокот за печиво и солта. Лесно промешајте, а потоа постепено додавајте ги во првиот сад. Добиената смеса покријте ја со фолија и ставете ја во фрижидер 1 час.
Со мала лажичка издвојувајте од смесата и со дланките оформувајте мали топчиња. Во шеќерот во прав детално протркалајте го секое топче.
Наредете ги топчињата на плех обложен со хартија за печење. Оставете простор помеѓу топчињата, бидејќи тестото ќе се „растопи“ во форма на колачи.
Печете 10 до 12 минути.
