„Јас сум Фисун – жена, мајка, сопруга, ќерка, сестра, блогерка, стилистка итн. Како и сите други жени, јас играм различни улоги, сакам да се соживувам, да уживам и да се развивам со нив“ – со овие зборови модната блогерка Фисун им се претставува на посетителите на нејзиниот блог.
Шармантната Германка со изострено чувство за стил е мајка на две деца која веќе шест години континуирано споделува модни комбинации на блогот Short Stories & Skirts и на Instagram.
Фисун тврди дека мајчинството ѝ ја даде способноста да сака безрезервно и дека ѝ ја збогати душата со специјална внатрешна убавина. Сепак, таа не дозволува мајчинството да ја спречи да биде самоуверена и модерна жена. „Иако е предизвик, овие два дела одат заедно „Да се биде мајка и да се остане жена“ – тоа е моето мото“ – пишува таа на својот блог.
Фисун цели да ги инспирира сите силни жени, покрај предизвиците и тешкотиите во животот, да ја зачуваат својата личност и стил, никогаш да не се откажуваат, да го остварат тоа што го сакаат и со насмевка да ѝ намигнат на оваа сериозна страна на животот.
