„Стилот не познава возраст“: 59-годишна блогерка со младешки стил смело чекори низ модниот свет

На стилот на Грејс Ганем можат да му позавидат дури и жени кои се на половина од нејзината возраст.

59-годишната блогерка е вистинска модна инспирација и со причина го има освоено вниманието на повеќе од 1,6 милиони обожаватели кои ги следат нејзините стилски приказни на Instagram.

„Стилот нема возраст“ – пишува таа и навистина секојдневно го докажува тоа.

„Силно верувам дека жените треба да останат видливи без разлика на годините и дека треба да имаат слобода да се облекуваат како и да посакаат“ – смета таа.

Грејс во минатото била микробиолог, но во 2015 година решила да започне да споделува свои фотографии на Instagram и оттогаш популарноста само ѝ се зголемува.

„Сè започна како хоби. Со ќерка ми секогаш правевме модни фотографии од мене кога ќе патувавме. Решивме дека ако ги споделуваме, тоа ќе биде со некаква цел“ – рекла дамата која од „Вог“ ја доби титулата „Кралица на безвременскиот стил“.

Ганем има потпишано договор со модната агенција „Storm Model Management“ и оттогаш наваму соработува со врвни брендови како By Terry, Missoma, Club Monaco и Mango.