Хрватска на ѝ даде втор мандат на Колинда Грабар-Китаровиќ и за нејзин наследник го избра Зоран Милановиќ.
51-годишната дама е првата жена која стапи на оваа одговорна функција и веднаш застана под лупа. Многумина ја поддржуваа, но не изостануваат и критиките и тоа не само за градењето на политички ставови, туку и за стилот, како и за начинот на однесување.
Експертите неретко ѝ даваа забелешки затоа што премногу емотивно реагира, но токму таа нејзина непосредност и невоздржаност во одредени моменти ѝ ја зголемуваа популарноста. Така, кога стоеше на дождот без чадор за да го прегрне секој член на хрватскиот тим кој загуби во финалето на Светското првенство во фудбал, таа стана хит на социјалните мрежи низ целиот свет.
Голем беше интересот на јавноста и за диетата на славната политичарка. За својот режим на хранење, таа има изјавено:
„Поради обврските, не смеам да бидам гладна, затоа што во тој случај мозокот не функционира како што треба. Признавам, порано знаев да се тешам со храна, особено сендвичи по напорен работен ден, што ме доведе до вишок килограми. Но денес, горда сум затоа што повторно ми се точни војнички панталони кои ги купив прес десет години во САД.“
„Многумина ме прашуваат која е тајната на мојата виткост, а јас им кажувам дека добрата линија е резултат на движење и медитеранска исхрана. Но, сите ги советувам, пред да започнат да слабеат, да се посоветуваат со лекар или нутриционист. Јас го исфрлив шеќерот од исхраната и не јадам бел леб. Пијам само вода, најголем дел од чешма, избегнувам кафе поради кофеинот, како и црно вино поради интолеранција на хистамин. Од маснотии, користам исклучиво маслиново масло и малку путер.“
Пред и официјално да ја напушти функцијата следниот месец, да се навратиме на стилските изданија на хрватската претседателка која е голема обожавателка на сината и црвената боја.
Една од најубавите сини креации во гардеробата на Колинда е син фустан кој е инспирација од инаугурацискиот аутфит на Меланија Трамп.
Колинда пред да стане Претседателка
