Стилистот Марјан Петров се сретна со Адријана Лима и Сиара во Милано каде прослави и роденден

Марјан Петров моментално престојува во Милано, каде се одржува најновата Модна недела.

Македонскиот стилист го прослави својот роденден во прекрасниот италијански град, а таму се сретна и со Адријана Лима и Сиара. 

Талентираниот струмичанец не пропушти да се фотографира со славните дами, а фотографиите ги сподели на Instagram.

Петров во Милано го прослави 32-риот роденден и дувна свеќа на големата торта.

Во претходно интервју за Фемина, Марјан изјави дека неговите клиентки му се многу лојални и секогаш оставаат тој да ги дотера на свој начин.

„Сите што доаѓаат во мојот салон, ми даваат целосна доверба, па оставаат на мене – јас што ќе им препорачам. Најбарана шминка ми е природната, да изгледа така, и по тоа мислам дека сум препознатлив. Сè што е помалку – тоа е и подобро“ – вели тој.