Статуи од Коби Брајант и неговата ќерка Џиана поставени на местото на хеликоптерската несреќа
Вчера, изминаа две години од смртта на Коби Брајант и неговата ќерка Џиана.
По тој повод, поставени се статуи од кошаркарската легенда и 13-годишното девојче на местото каде се сруши хеликоптерот во Калабасас.
„Хероите доаѓаат и си одат, но легендите остануваат засекогаш“ – напиша скулпторот Дан Медина и им оддаде почит на останатите седум жртви во несреќата, додавајќи ги нивните имиња на статуата.
Џиана ги следеше стапките на татко си и тренираше кошарка, па поради тоа е прикажана со топка во раката.
Коби, беше еден од најдобрите кошаркари на сите времиња. Тој беше во брак со Ванеса Брајант и заедно имаа четири девојчиња – Наталија, Џиана, Бјанка и Капри.
