„Стариот мој како да сака да ме гушне“: Игор Џамбазов сподели емотивна фотографија од комеморацијата во чест на татко му
Пред неколку дена се одржа комеморацијата во чест на маестро Александар Џамбазов, кој почина на 85-годишна возраст.
Неговиот син Игор Џамбазов сподели емотивна фотографија од настанот, а во описот напиша: „Стариот мој... како да сака да ме гушне...“.
Откако беше трогнат од фотографијата, Игор замоли да му се открие чие дело е. „Го молам авторот на оваа моќна фотографија, да ме контактира...“ – дополни тој во коментар.
Бројни пријатели и соработници на маестро Џамбазов се збогуваа со него за време на комеморативната седница во МОБ.
Александар Џамбазов е истакнат македонски композитор, диригент, општествен деец, долгогодишен член на СОКОМ, еден од втемелувачите на македонската популарна и детска музика. Неговата уметничка сестраност и многуслојна дарба ја манифестирал не само занимавајќи се со многу уметнички дисциплини, туку и протегајќи го своето творештво во сите музички жанри, вклучувајќи ја и класичната музика. Во делото на исполнителската уметност во македонската музичка историја ќе остане забележан како еден од основоположниците и долгогодишен раководител и диригент на Тнацовиот и Ревискиот оркестар на Македонската радио телевизија. Неговото име најдиректно е врзано и со покренувањето и опстојувањето на Скопскиот фестивал на забавна музика и еден од најстарите музичко-детски фестивали во Европа, Фестивалот на детски песни „Златно славајче“.
Во делот на творештвото, Александар Џамбазов ја задолжи македонската музичка култура со неколку стотини композиции и аражнмани и со 1450 студиски снимки со голем број ансамбли, секако најмногу со оние во рамките на Македонската радио телевизија. Добитник е на голем број стучни, домашни и меѓународни награди и општествени признанија, меѓу кои 11 октомвриската награда, наградата „13 ноември“, наградата за животно дело „Трајко Прокопиев“ на Сојузот на композиторите на Македонија.