Српскиот претставник со црна панделка на отворањето на Евровизија за жртвите во белградскиот масакр
Лук Блек присуствуваше на отворањето на најновото издание на Евровизија.
На тиркизниот тепих во Ливерпул, српскиот претставник зачекори во сина кошула, на која беше прикачена црна панделка во чест на настраданите во белградскиот масакр.
Неговата евровизиска песна „Само ми се спава“, меѓу другото, зборува и за страотните трагедии со кои се соочува човештвото.
„Иако ја напишав песната плашејќи се од овие настани и гледајќи ги во светот, не можев ни да замислам дека тоа навистина ќе се случи во нашата земја, во нашите срца. Жал ми е што стана повистинито од порано. Ја слушнав веста пред да излезам на сцената за пробата и многу бев разбеснет. Иако Евровизија е среќно место, место каде што се слави различноста, колку и да се трудиме, не можеме да сокриеме колку ни е тешко. Се трудам да бидам максимално професионален. Мојот настап сега ќе го посветам на цела Србија, која страда неизмерно, како и на семејствата на починатите. Колку што можам да понудам, ќе ја дадам цела душа во мојот настап“ – изјави тој во интервју за nova.rs.
Luke Black wearing black ribbon on a turquoise carpet in memory of the victims of this week's horrific school shootings in Serbia pic.twitter.com/whsC5rjdih
— vanya) May 7, 2023