Среќно семејство: Криси Тиген и Џон Леџенд споделија фотографии со трите деца за Денот на вљубените

Криси Тиген и Џон Леџенд споделија семеен албум со фотографии направени пред вечерното излегување на Денот на вљубените.

37-годишниот модел и 44-годишниот пејач позираа со новородената Ести, 4-годишниот Мајлс и 6-годишната Луна. Сите беа облечени во комбинации во бои кои се симбол на љубов и романтика.

Криси ја држеше едномесечната ќеркичка.

Веста за приновата во нивното семејство, Криси ја соопшти на 20 јануари.

„Таа пристигна! Ести Максин Стивенс – куќата е раздвижена и нашето семејство не може да е посреќно. Тато рони ноќни солзи-радосници, гледајќи ги Луна и Мајлс како се полни со љубов, а јас учам дека и со царски рез ти требаат пелени. Во блаженство сме. Ви благодарам за сета љубов и убави желби – го чувствуваме сето тоа!“ – напиша тогаш таа на објавата.

Криси и Џон стапија во брак во септември 2013 година.