Среќно семејство: Бекамови прегрнати и насмеани на 80-тиот роденден на таткото на Викторија
Семејството Бекам покажа дека е сплотено и покрај сите скандали кои го тресеа во изминатиот период.
Дејвис и Викторија со децата се прегрнуваа, се смееја и се забавуваа на прославата по повод 80-тиот роденден на таткото на Викторија, Ентони Адамс.
Модната дизајнерка на Instagram сподели фотографии од гламурозната семејна прослава, а во описот напиша:
„Среќен роденден тато, многу те сакаме! Ви благодариме на сите пријатели и семејството што го направивте денот толку посебен“.
На фотографиите, Викторија и Дејвид позираат во елегантни изданија покрај нивните деца Ромео, Круз и Харпер, како и со славеникот и неговата сопруга Џеки.
Сепак, фановите не пропуштија да посочат дека на семејните фотографии повторно ги нема најстариот син на парот, Бруклин и неговата сопруга Никола, кои веќе подолго време не присуствуваат на семејните собири на Бекамови.
Бруклин во јануари оваа година преку социјалните мрежи сподели дека не сака да се помири со семејството, бидејќи не сака да биде контролиран од родителите.
