„Среќен роденден на македонското девојче“: Дадар со низа фотографии ѝ го честиташе роденденот на Каролина Гочева

Дадар со емотивна порака и низа заеднички фотографии ѝ го честиташе 46-тиот роденден на Каролина Гочева.

Македонскиот шминкер, кој долги години се грижи за изгледот на популарната пејачка, сподели видео кое е компилација од моменти од нивната долгогодишна соработка и пријателството, истакнувајќи дека Каролина за него не е само професионален партнер, туку и искрен и близок човек.

Среќен роденден на македонското девојче со магична насмевка што освојува без зборови….

Голем другар, искрена до коска, внимателна на секој детаљ – ретка комбинација што те прави толку посебна и обожавана од сите.

Горд сум што сум дел од твојата приказна сите овие години – не само како твој шминкер, туку како некој што те знае вистински. Нашите моменти, слики и спомени се доказ за едно убаво патување што сѐ уште трае.

Ти посакувам уште повеќе светлина, љубов, успех и моменти што ќе ти го полнат срцето како што ти ги полниш нашите.

Секогаш твој ✨