„Среќен 40-ти роденден, тато“: Ќеркичката на Мартин од Next Time будна на полноќ за да дуваат свеќички на тортата

Близнаците од Next Time го прославија јубилејниот 40-ти роденден.

Ќеркичката на Мартин Филиповски остана будна до полноќ само за да дувне свеќички со татко си и да му го честита роденденот.

Фотографии споделија и Мартин и неговата сопруга Андреа.

„Среќен 40-ти роденден, тато“ – пишува на тортата.

„Денеска го славиме нашиот 40-ти роденден. 🎂🎂🎂🎉🎉🎉

Се чувствуваме благословени што имаме можност да го живееме животот онака како што сакаме – здрави, живи и опкружени со семејство кое секогаш нè поддржува, како и со публика која секојдневно ни дава шанса да уживаме во нашата работа и пасија, а тоа е музиката.

Би посакале сите да бидеме здрави, живи и среќни, да го цениме и уживаме во она што ни го нуди животот. ❤️

Ви благодариме што сте дел од нашата приказна! 🙏❤“ – напишаа браќата од Next Time.

Тие добија бројни честитки на социјалните мрежи, а и самите си испратија честитки меѓусебно.