Среќа: Амир ја победи тешката болест и победнички заѕвони на ѕвончето во Клиниката за детски болести во Скопје

Радосна вест одекна од Клиниката за детски болести во Скопје.

Јунакот Амир ја доби битката со тешката болест и победнички заѕвони на ѕвончето. Тој беше испратен со силен аплауз од вработените, малите пациенти кои се лекуваат таму и нивните родители.

„Нова радосна вест од Клиника за детски болести. Победничкото ѕвонче повторно силно ѕвонеше за да слушнат сите дека нашиот јунак Амир храбро ја помина и ја освои тешката битка. На Амир му посакуваме многу здравје и среќно и безгрижно детство“ – стои во описот на видеото споделено од Детската клиника.