По блескавите настапи на детската Евровизија, Сан Ремо Јуниор и многуте освоени фестивали и престижни награди, Тамара Грујеска започнува ново музичко поглавје со емотивната балада „Срце знае сè“.
Песната е создадена за Тамара од две докажани музички имиња: пејачката Андријана Јаневска, која е автор на песната во делот на музиката и аранжманот, и еден од најплодните македонски текстописци Огнен Неделковски, кој се потруди да создаде емотивен и квалитетен љубовен текст.
15-годишната девојка зад себе има веќе три свои песни, како што се „Имам сила“, „Кажи ми кажи ми кој“, со која настапи на детската Евровизија во Франција, и „Само насмевни се“. Таа најави и други нови песни и настапи за оваа година, како и многубројни гостувања на интернационални музички фестивали каде што ќе ја претставува Македонија.