„Срце полно љубов“: 9-годишно девојче по хемотерапиите се врати на училиште, доби љубов од соучениците за роденденот
По тешкиот период и лекувањето од рак, малата Анто од Аргентина се врати во школските клупи и беше дочекана со многу љубов, прегратки и изненадувања.
Нејзиното враќање се совпадна и со нејзиниот деветти роденден, па радоста беше уште поголема.
На профилот на Анто е споделено видео и порака во која таа откри дека имала измешани чувства, и возбуда и мала трема, пред повторната средба со соучениците и наставниците.
„Беше прекрасно повторно да ги видам соучениците, наставниците и целиот училиштен персонал. Заминав со срце полно љубов“ – стои на нејзиниот профил.
Особено емотивен момент за Анто беше и 8 октомври, кога заѕвони на ѕвончето во болницата во којашто се лекуваше за да го означи крајот на хемотерапиите.
„Имаше денови кога плачев, други кога многу се смеев, а имаше и многу прегратки кои ми помогнаа да продолжам.
Сега започнува ново поглавје. Денес сакам да славам и засекогаш да го зачувам овој спомен во срцето. ❤️
Да не ги земаме работите здраво за готово – една прегратка, една насмевка, малку време поминато заедно. Нека секој ден ни донесе нешто убаво и единствено ✨“ – напиша тогаш таа, заблагодарувајќи им се на семејството, пријателите, училиштето и медицинскиот тим од болницата.