„Хурем Султан“ атрактивна во црвен фустан во Баку, го промовираше новиот филм со колегата Халит Ергенч

Мерјем Узерли активно го промовира новиот филм „Пролет во Имроз“ („İmroz’da Bahar“) во кој глуми со својот колега од хит-серијата „Величествениот“, Халит Ергенч.

Турската актерка, позната како Хурем Султан, ги сподели своите впечатоци од посетата на Баку, каде мамеше погледи во црвена креација од модната куќа Raşit Bağzıbağlı.

Мерјем им се заблагодари на азербејџанските домаќини за прекрасното гостопримство и топлиот пречек, истакнувајќи дека средбата со публиката и заедничкото гледање на филмот биле незаборавно искуство. 

„Баку, имаш посебно место во моето срце. До следната средба! ❤️ “ – напиша таа.

Македонската публика ги запозна Озерли и Ергенч преку серијата „Величествениот“ која се снимаше пред 15 години. Сега, тие повторно се обединија за новиот заеднички филмски проект.