Во срцето на Баба Планина, една потенцијална трагедија се претвори во приказна со среќен крај која го стоплува срцето.
Благодарение на брзата и хумана реакција на вработените во ЈУ Национален парк Пелистер, Зоран Пројчевски (раководител на помошно-техничкото одделение) и ренџерот Неџип Сефедини, една мала срна доби нова шанса за живот. По драматичното спасување од напад на куче бездомник, тие со помош на технологијата и звучни сигнали, успешно го вратија преплашеното младенче кај неговата мајка.
Веста ја споделија од Националниот парк, а во објавата стои:
Вработените во ЈУ Национален парк Пелистер Зоран Пројчевски - раководител на помошно-техничко одделение и ренџерот Неџип Сефедини спасија мала срна која беше нападната од куче бездомник. Подоцна со помош на емитирање на звуци малата срна беше повторно споена со својата мајка.