Спасени мајка-штрк со трите штркчиња: Пожарникари евакуираа семејство штркови од запалено гнездо во Росоман

Пожарникарите од Територијалната противпожарна единица Кавадарци успешно евакуираа мајка-штрк и три млади штркчиња, откако нивното гнездо се запалило во селото Росоман.

Пожарот избувнал од засега непознати причини, но благодарение на брзата интервенција на противпожарната екипа, птиците навреме биле извлечени на безбедно. Очевидци на настанот ја пофалиле ефикасната реакција на пожарникарите.

Од ТППЕ Кавадарци информираа дека по евакуацијата, штрковите веднаш биле згрижени од локалните жители на Росоман. Веќе во текот на утрешниот ден се очекува да им биде изградено ново гнездо во кое птичјото семејство повторно ќе биде сместено.

Фотографиите се објавени на Facebook профилот ТАЗЕ.