Сопругата на Бруклин Бекам порано започна да го слави 31-виот роденден со нејзиното семејство, без Бекамови
Никола Пелц започна со роденденските прослави за нејзиниот 31-ви роденден.
Иако е родена на 9 јануари, младата актерка порано го прослави својот специјален ден со сопругот Бруклин Бекам и целото нејзино семејство. За жал, ниту еден член од семејството Бекам не присуствуваше на нејзината прослава додека сè повеќе се засилуваат гласините за несогласувања меѓу нив.
Никола направи забава инспирирана од балерина и сподели видео на TikTok од моментот кога татко ѝ Нелсон ѝ пееше „Happy Birthday“.
„Најдобриот роденден досега. Многу сум благодарна“ – напиша таа.
best birthday yet 🎀🩰⭐️🎂🩷 i’m so grateful
На социјалните мрежи многумина го опишаа нејзиното однесување како детинесто и напишаа и дека татко ѝ, кој е милијардер, плаќа за нејзиниот живот на „разгалена принцеза“.
Роденденската прослава на Никола следува по веста дека Бруклин ги блокираше на социјалните мрежи своите родители Дејвид и Викторија, како и брат му Круз. Тој не беше присутен на многу фамилијарни собири во изминатите месеци, а не ги покани родителите на обновувањето на заветите.
