Софија Вергара уште повеќе ги засили гласините дека е во врска со бизнисменот Даглас Шабот.
52-годишната актерка, која минатата година се разведе со сопругот Џо Манганиело, беше „уловена“ од папараците во прегратката на Даглас. Ѕвездата од „Modern Family“ со широка насмевка се прегрнуваше со него во ресторан во Рим, Италија.
Софија шармираше во фустан со цветен принт на вечерата, по која заедно со Даглас се упати кон хотелот во кој престојува.
Вергара има еден син од првиот брак со Џо Гонзалес, со кого се разведоа во 1993 година. Таа беше во брак со актерот Џо Манганиело до јули 2023 година, а по разделбата со него започна да се состанува со хирургот Џастин Салиман.
