Софи, сопругата на канадскиот премиер Џастин Трудо, има коронавирус, и двајцата се во само-изолација
Софи Трудо е позитивна на коронавирусот.
44-годишната сопруга на премиерот на Канада, Џастин Трудо, синоќа беше тестирана за вирусот откако добила благи симптоми на грип. Пред да ѝ се појават симптомите, таа била на патување во Велика Британија.
Веста ја сподели Џастин, кој на Twitter напиша: „Имам вест која сакам да ја споделам вечерва. За жал, резултатите на Софи од тестот за КОВИД-19 се позитивни. Поради тоа, таа ќе биде во карантин на одредено време. Нејзините симптоми остануваат благи и таа се грижи за себе и ги следи советите на нашиот доктор“.
I have some additional news to share this evening. Unfortunately, the results of Sophie’s COVID-19 test are positive. Therefore, she will be in quarantine for the time being. Her symptoms remain mild and she is taking care of herself and following the advice of our doctor.
— Justin Trudeau (@JustinTrudeau) March 13, 2020
Џастин засега нема никакви симптоми на вирусот и поради тоа не е тестиран, но ќе биде во само-изолација 14 дена. Трудо е првиот државен лидер кој е во изолација.
До сите мои пријатели, семејството, саканите Канаѓани и сојузниците насекаде,
Прво, би сакала да им се заблагодарам на сите кои ме контактиравте за да ме прашате како сум. Иако искусувам неудобни симптоми на вирусот, набрзо ќе застанам на нозе. Тоа што сум во карантин дома не е ништо во споредба со други канадски семејства кои поминуваат низ ова и со оние кои имаат посериозни здравствени компликации.
Заедно ќе ја надминеме оваа ситуација. Ве молам споделувајте ги фактите и сериозно сфатете го вашето здравје.
Ви ја испраќам мојата храброст и топли мисли (и прегратки за оздравување, но само оддалеку).
Софи
Personal message from Sophie. pic.twitter.com/rXVilM6dxH
— Cameron Ahmad (@CameronAhmad) March 13, 2020
Џастин и Софи се родители на три деца.
