Кога Вилијам Ледбетр решил да ја побара својата сакана за жена, тој сакал да направи нешто специјално и за нејзината ќерка Меди. Грижливиот маж купил два прстена и откако неговата девојка Пејџ го прифатила неговиот предлог за брак, тој ја „запросил“ и малата Меди.
Во видеото од невообичаениот предлог, Вилијам прво му соопштува на 5-годишното девојче дека ќе се жени за мајка му, а потоа вади прстен и го прашува: „Сакаш ли да ми бидеш ќерка засекогаш?“ Меди возбудено му дава потврден одговор.
„Синоќа ја запросив мојата девојка, но сакав и моето слатко девојче да биде вклучено во возбудата“ – напишал тој на YouTube.
Ледбетр ја „запросил“ Меди затоа што не сакал да се чувствува изоставено. Во интервју за The Huffington Post, тој рекол: „Не сакав Меди да го види прстенот што ѝ го купив на Пејџ и да се почувствува изоставено. Па, купив прстен и за Меди, заедно со ланче и обетки за да се чувствува како да ја „победила“ мајка си“.
