„Со гордост ќе го носам твоето презиме“: Синот на Халид Бешлиќ не можеше да ги задржи солзите на собир во чест на татко му
Никој не остана рамнодушен на собирот во чест на Халид Бешлиќ пред Домот за млади во Сараево, на кој присуствуваше и неговиот син Дино.
Со солзи во очите Дино стоеше сред толпата и му оддаде последна почит на татко му, кој почина пред три дена, на 10 октомври. Собраните граѓани ги пееја неговите хитови и заедно тагуваа за загубата на легендарниот музичар со големо срце.
@klixportal Niko nije ostao ravnodušan na okupljanju posvećenom Halidu, Dino Bešlić suzama odao počast ocu
♬ original sound - Klix.ba
Претходно, Дино со емотивна објава на социјалните мрежи се збогуваше со Халид.
„Драг мој Тато, би сакал сешто да напишам, но немам сила за тоа. Само знам дека многу ќе недостигаш во оваа екипа на фотографијата, а најмногу на твојата Ламија и твојот Белмин. Те сакаме многу и знај дека никогаш нема да те изневериме. Со гордост ќе го носам твоето презиме и бремето кое ми го остави. Твојот Дино“ – напиша тој.
Халид беше во брак 50 години со својата сакана Сејда, а Дино е нивно единствено дете. Тој не пропушташе да нагласи дека најубавиот момент во нивниот живот било раѓањето на внуците.
Синот Дино во 2014 година доби близнаци со сопругата Махира.
ФОТО: Instagram