Кајли Миног присуствува на музичката сцена повеќе од две децении. Нејзините хитови како „I Should Be So Lucky“, „Can't Get You Out of My Head“, „Come into My World“, „Spinning Around“ ѝ донесоа милиони обожаватели од цел свет.
За неколку дена треба да се појави нејзиниот најнов албум, насловен „Aphrodite“. Тоа е 11-тиот по ред албум на 42-годишната пејачка. Албумот не содржи ниту една балада и има за цел да ги раздвижи нејзините обожаватели на подиумите на дискотеките.
Иако официјално сè уште не е пуштен во продажба, благодарение на интернетот можеме да го слушнеме албумот во целост. Плус тоа, се појавија и две дополнителни песни „Heartstrings“ и „Mighty Rivers“ кои не се дел од албумот, како и шпанската верзија на популарната „All The Lovers“ – „Los Amores“.