Слободни, без маски и дистанца: Ед Ширан со сопругата и малата ќерка на прошетка во Австралија

Ед Ширан со семејството ужива во Австралија, каде пандемијата е ставена под контрола и не е задолжително носењето маски и одржувањето дистанца.

Популарниот музичар беше фотографиран со сопругата Шери Сиборн и нивната ќерка Лира. Парот лежерно го разгледуваше малото место Соренто во Викторија.

За време на прошетката, Ширан издвои време да направи селфи со свои обожаватели и да поразговара накратко со нив.

Ширан отпатува во Австралија за погребот и комеморацијата на австралиската музичка легенда Мајкл Гудински. На сцената тој ја изведе за првпат новата балата „Visiting Hours“.