Славеа шест дена, сестра ѝ им подари јахта... Венус Вилијамс направи свадба со Андреа Прети во Флорида

Венус Вилијамс и Андреа Прети официјално стапија во брак во Палм Бич, Флорида.

45-годишната поранешна тенисерка се омажи со 37-годишниот актер и модел на бајковита свадба на која ѝ претходеа 6-дневни прослави и забави. Венус носеше венчаница од Жорж Хобеика.

Андреа пристигна на церемонијата со мајка си додека се слушаше песната „I’ll Be There“.

„Ова е она што претставува мајка ми за Венус. Таа секогаш ќе биде таму за неа“ – рекол тој.

„Тоа беше најсреќниот, најубавиот, најслаткиот ден“ – признала Венус.

Нејзината сестра Серена ѝ подари јахта на која беа сместени дел од нивните најблиски пријатели.

„Секогаш велат дека свадбите поминуваат многу брзо. Започнавме во понеделник. Серена ни подари преубава јахта и се погрижи за храната и за сè. Десетмина од нашето најблиско семејство и пријателите беа на јахтата и пеевме, танцувавме, озборувавме и едноставно уживавме едни со други“ – рекла среќната невеста.
 

Венус и Андреа направија свадба во септември оваа година во Италија, но поради тамошните процедури, треба да поминат месеци за нивниот брак да биде официјализиран.