„Слава ти Господе“: „Осаменото“ момче со ангелски глас од Прилеп освои прво место на натпревар во Бугарија

Само неколку месеци откако неговата животна приказна ја трогна јавноста, Димитар Иваноски од Прилеп покажа дека талентот и љубовта кон музиката немаат граници.

13-годишниот пејач, кој има 96 проценти оштетен вид, го освои првото место на меѓународниот музички фестивал „Tryavna Music Cup 2026“ во Бугарија, каде настапи во конкуренција со повеќе од 400 изведувачи од различни земји.

Димитар се претстави со песната „Као моја мати“ од Здравко Чолиќ во категоријата „Evergreen“. 

По големиот успех, неговиот татко на социјалните мрежи кратко, напиша:

Тријавна Интернационален Музички Куп и за Димитар прво место 🥇
Слава ти Господе 😇🙏- напиша Цветан.

Пред неколку месеци, тетката на Димитар сподели дека тој често ги минува училишните одмори сам и дека сакал да се запише во училиште за слепи деца во Скопје со надеж дека таму ќе биде прифатен и ќе стекне пријатели. 

Неговата приказна тогаш допре до илјадници луѓе, а сега музиката му отвора нови врати. 

Димитар веќе има бројни настапи на меѓународни фестивали, освоени први места, авторски песни и значајни признанија.