Брачен пар разнежни илјадници лица со слатко видео по повод раѓањето на синчето Хенри. Главна ѕвезда во видеото на Ејми и Крис Нутсон е плишено мече, кое со нетрпение очекува да пристигне неговото ново најдобро другарче.
На почетокот на видеото мечето ѕирка во бања и откако ќе го здогледа позитивниот тест за бременост на Ејми, прославува за веста со радосен танц. Првите сцени биле снимени веднаш откако Ејми дознала дека е бремена, а последните биле снимени по раѓањето на малиот Хенри.
На крајот на видеото, мечето конечно го запознава својот нов пријател и нежно легнува до него.
„Дел од забавата беше чекањето на последниот актер. Го снимивме видеото само за Хенри и малку имавме трема пред да го објавиме. На големо изненадување, на луѓето им се допадна“ – изјавил среќниот татко.