Слатко изненадување: Принцезата Шарлот ненајавено на ЕП во фудбал за жени со принцот Вилијам

Принцезата Шарлот беше неодолива гостинка на финалето од Европското првенство во фудбал за жени во Швајцарија.

Слатката припадничка на британското кралско семејство ненајавено се појави на мечот Англија-Шпанија заедно со својот татко, принцот Вилијам, привлекувајќи големо внимание. 10-годишното девојче со големи емоции навиваше за фудбалерките на англиската репрезентација кои го освоија трофејот.

Шарлот изгледаше преслатко во фустанче со точкест принт.

Дуото татко-ќерка седеше покрај припадничките на шпанското кралско семејство, принцезата Леонор и нејзината помала сестра Софија. Сите заедно разговараа по мечот.