Слаткар и Дупер ги здружија силите во сосема неочекувана, но феноменална соработка. Нивната нова песна насловена „ОК“ е вистинско освежување кое носи позитивна енергија и модерен ритам.
Автори на музиката и текстот се Слаткар и Борис Какуринов.
Песната е објавена заедно со спот во кој познатиот хип-хоп изведувач ги вози Борис и Илчо од Дупер заедно со моделот Ива Стојковска. Четворицата бегаат со багажник полн со нелегално стекнати пари, а крајот на видеото носи неочекуван пресврт.
Видео
Интересен момент беше што пред снимањето на спотот „падна“ кладба помеѓу Слаткар и Илчо за времетраењето на работата на сетот, при што Слаткар беше убеден дека сè ќе завршат за помалку од три часа. Бидејќи прогнозата на Слаткар се покажа како точна, Илчо мораше да го испочитува договорот и да си ја избричи главата.
